සාෆිගේ සාපේ අවසන්

සාෆි ගැන චෝදනා සනාථ වී නෑ

කුරුණෑගල ශික්ෂණ රෝහලේ වෛද්‍ය සාෆි ශිහබ්දීන් මහතා ත්‍රස්තවාදී සංවිධානයකට සම්බන්ධ බවක් හෝ අයතා වත්කම් ඉපැයූ බවක් හෝ මව්වරුන්ගේ පැලෝපීය නාල මිරිකූ බවක් හෝ මෙතෙක් සිදු කළ පරීක්ෂණවලින් අනාවරණය නොවූ බව අපරාධ පරීක්ෂණ දෙපාර්තමේන්තුව අද (27) කුරුණෑගල මහේස්ත්‍රාත් අධිකරණයට දැනුම් දුන්නේය.

වෛද්‍ය සාෆි ශිහබ්දීන් සම්බන්ධ පැමිණිල්ල අද පස්වරු 2.00 ට කුරුණෑගල මහේස්ත්‍රාත් අධිකරණයේදී කැඳවූ අවස්ථාවේ රහස් පොලිසිය මේ බව දැනුම් දුන්නේය.

වෛද්‍ය සාෆි ශිහබ්දීන් මහතා අත්අඩංගුවට ගැනීමේ දී අක්‍රමිකතා සිදුවී ඇති බව ද රහස් පොලිසිය කීවේය.

මෙම වෛද්‍යවරයා සිංහල මව්වරුන් 3479 ක්, මුස්ලිම් මව්වරුන් 860 ක් සහ ද්‍රවිඩ මව්වරුන් 33ක්  සිසේරියන් සැත්කම්වලට භාජනය කර ඇතැයි කුරුණෑගල රෝහලේ අධ්‍යක්ෂවරයා අධිකරණයට වාර්තාවක් ඉදිරිපත් කර තිබිණි.

මෙම වෛද්‍යවරයාගේ සැත්කම්වලින් පසු ආසාත්මිකතා ඇති වූ බව කියමින් රහස් පොලිසියට ලැබුණු පැමිණිලි 615ක් අතුරෙන් පැමිණිලි 468ක් ගැන අධිකරණයට කරුණු වාර්තා කර ඇති බවත්, ඒවා අතුරෙන් විමර්ශන මට්ටමේ ඇති පැමිණිලි 147ක් අතුරෙන් මව්වරුන් 13 දෙනකු විශේෂඥ කමිටුවට යොමු කළ බවත්, එයින් පරීක්ෂණයට භාජනය කළ යුතු තත්වයේ සිටින්නේ දෙදෙනකු පමණක් බවත්, ඉතිරි පැමිණිලි 11 අසත්‍ය බවත් රහස් පොලිසිය දැනුම් දුන්නේය.

මෙම සිද්ධියට අදාළ මව්වරුන් ලබන 30 වැනිදා එම පරීක්ෂණයට යොමුකිරීමට අපරාධ පරීක්ෂණ දෙපාර්තමේන්තුව කළ ඉල්ලීම අධිකරණය විසින් ප්‍රතික්ෂේප කරන ලදී.

එම සිද්ධිය සම්බන්ධයෙන් පත්කර ඇති විශේෂඥ වෛද්‍ය මණ්ඩලයට පරීක්ෂණය සිදුකරන්නේ කෙසේද යන්න යොමුකර අධිකරණයට වාර්තා කරන ලෙස ද පැවසීය.

වෛද්‍ය සාෆි සමඟ වැඩ කළ වෛද්‍යවරුන්, හෙදියන් සහ කාර්ය මණ්ඩලයේ විශාල පිරිසකගෙන් ප්‍රකාශ සටහන් කළ බවත්, සාෆි වෛද්‍යවරයා මෙවන්නක් කර නැතැයි ඔවුන්ගේ ප්‍රකාශ අනුව තහවුරු වූ බවත් රහස් පොලිසිය දැනුම් දුන්නේය.

සාෆි වෛද්‍යවරයා සම්බන්ධ චෝදනා අනාවරණය නොවන නිසා ඔහු තවදුරටත් රඳවා තබා ගැනීම ගැන ආරක්ෂක ලේකම්වරයා සමඟ සාකච්ඡා කර තීරණයක් ගන්නා බව ද අපරාධ පරීක්ෂණ දෙපාර්තමේන්තුව දැනුම් දුන්නේය

ජෙලි පසුපස සැගවුණු පිළිකුල් රහස.

ජෙලි කියන්නේ රසවත් කෑමක්. ඉතාමත් ගුණදායක ආහාරයක් ලෙස ජනප්‍රිය ජෙලි කෑමට කුඩා ළමයින් වගේම වැඩිහිටි අයත් එක වගේම කැමතියි. රෝගී වූ අයටත් ජෙලි ආහාරයට ගැනීමට නිර්දේශ කෙරෙනවා එහි ඇති ගුණයත්, ආහාරයට ගැනීමට ඇති පහසුවත් සලකා බැලීමෙන්.

ගොඩක් දෙනා විස්වාස කරන මිත්‍යා මතයක් තමයි ජෙලි හදන්නේ මුහුදු පැළෑටි වලින් කියන එක. ඇත්තටම ජෙලි සෑදීම සහ මුහුදු පැළෑටි වල කිසිම සම්බන්දයක් නැහැ. මෙම මතය ජෙලි නිපදවන සමාගම් වලින් ඔබව නොමග යැවීමට ප්‍රචාරණය කරන ලද අමූලික බොරුවක්. මොකද ඇත්තටම ජෙලි හදන්නේ මොනවයින් දැයි ඔබ දැන ගත්තොත් කවුරුවත් ජීවිතේට ජෙලි කන්නේ නැති නිසා.

ජෙලි සෑදීමට ගන්න ප්‍රධානම දෙය වන “ජෙලටින්” (Gelatin) සාදන්නේ මස් පිණිස සතුන් මරණ ස්ථාන වලින් බැහැර කරන සත්ව ඇට සැකිලි වලින්. මේ සඳහා බහුලව භාවිතා වන්නේ හරක්, බැටළු සහ ඌරන් ගේ ඇට කටුයි. මෙම ඇට කටු තුල ඇති “ඇට මිදුළු” තමයි ජෙලටින් වල ප්‍රධානම සංඝටකය වන්නේ.

ඇට කටු නටන උණු වතුරේ තම්බමින් ඒවා පොඩි කරමින් එහි සාරය වතුරට උරා ගන්නට සලස්වා පසුව ඇට කැබලි පෙරා ගත් ජලය සිසිල් කර වාශ්පීකරණයට ලක් කරනවා. එවිට ඉතිරි වන සුදු පැහැති කුඩ තමයි “ජෙලටින්” කියන්නේ. (ඇතැම් විට අධික තෙල් සහිත ඌරන්ගේ හමද මෙම ක්‍රියාවලිය සඳහා භාවිතා කරනවා)

මේ අනුව බැලුවම ජෙලටින් කියන්නේ සම්පූරණයෙන්ම මාංශමය ආහාරයක්. බොහෝ රටවල මේ නිසා ජෙලටින් අඩංගු ආහාර වල ඒවා නිර්මාංශ (vegetarian) අය සඳහා නුසුදුසු බව කියමින් අසුරණයේ සඳහන් කර තිබෙනවා. ඔබ රස කර කන ජෙලටින් අඩංගු ඕනෑම ආහාරයක අන්තර්ගත වන්නේ සතුන්ගේ ඇට කැබලි වල සාරය බව මීට පස්සේ ඔබේ දරුවාට “ජෙලි”, “ජුජුප්ස්” වැනි ආහාර මිලදී ගැනීමේදී හොඳින් මතකයේ තබා ගන්න.

මන්ත්‍රී රෝහිතගේ හොර අරක්කු වල ඇත්ත හෙලිවේ. බලපත්‍ර සහිත මත්පැන් සමඟ මිශ්‍රකොට අලෙවි කර ඇති බවට හෙලිවේ.

මහින්ද පිලේ (පොහොට්ටු පක්ෂයේ) ප්‍රබල ක්‍රියාකාරිකයෙකු මෙන්ම පසුගිය පළාත් පාලන මැතිවරණයට ඉදිරිපත් වූ අපේක්ෂකයෙකුද වන දමිත් දනංජය නැමැත්තාට අයත් ගොඩනැගිල්ලක පවත්වාගෙන ගිය මහා පරිමාන නීති_විරෝධී මත්පැන්_නිෂ්පාදනාගාරයක් පොලිස් විශේෂ කාර්ය බලකාය සහ සුරබදු දෙපාර්තමේනතුව ඒකාබද්ධව වටලා ඇත.

මෙම ගොඩනැගිල්ල හිමි දමිත් දනංජය නැමැත්තා පොහොට්ටු පක්ෂයේ ඉහල පෙළේ ක්‍රියාකාරිකයෙකු මෙන්ම එක්සත් ජනතා නිදහස් සන්ධානයේ කළුතර දිස්ත්‍රික් පාර්ලිමේන්තු මන්ත්‍රීවරයාද වන රෝහිත අබේගුණවර්ධන මහතාගේ ළඟම ආධාර කරුවෙකි. ඒ අනුව පොලිසිය සක කරන්නේ මෙම නිෂ්පාධනාගාරය මන්ත්‍රී රෝහිත අබේගුනවර්ධනගේ අවශ්‍යතාව මත ඔහුගේ ගෝලයා විසින් පවත්වාගෙන ගොස් ඇති බවයි.

අති විශාල ධාරිතාවයකින් නිෂ්පාධනය කරන මෙම මත්පැන් බාලපත්‍ර සහිත මත්පැන් සමඟ මිශ්‍රකොට අලෙවි කිරීම මෙම ජාවාරම්කරුවන්ගේ_අරමුණ බවද පොලීසිය මේ වනවිට අනාවරණය කොටගෙන ඇති අතර එහි දර්ශනවලට අනුව මෙම ස්ථානයේ මහා පරිමානයෙන් මෙලෙස මත්පැන්_ජාවාරම පවත්වාගෙන ගොස් ඇති බව අනාවරණය වේ.

මෙම නීති වීරෝධී මත්පැන්_නිෂ්පාදනාගාරය කලකපටන් පවත්වාගෙන ගොස් ඇති අතර_සුරාබදු දෙපාර්තමේන්තුවට ලද තොරතුරකට අනුව පසුගිය 24 පොලිස් විශේෂ කාර්ය බලකායේද සහාය ඇතිව මෙම වැටලීම සිදුකර තිබේ. පසුගිය රාජපක්ෂ ආණ්ඩු කාලයේ මෙහි නිෂ්පාදන හා බෙදා හැරිම යහමින් සිදුවී ඇති බවද අදාල දේශපාලකයින්ගේ මෙම පොදුජන පෙරමුන්නේ දේශපාලන රැලි සඳහා අවශ්‍ය මත්පැන්_සැපයීමද මෙයින් සිදු කොට ඇතිබව එහි සේවකයින් පොලිස් ප්‍රශ්න කිරීම් හමුවේ හෙළි කර ඇත.

සුරාබදු_දෙපාර්තමේන්තුව සහ පොලිස් විශේෂ කාර්ය බලකාය මේ වනවිටත් එම ස්ථානයේ වැඩිදුර විමර්ශන කටයුතු සිදුකරන බව වාර්තාවේ.

රජය සමඟ ව්‍යාපාර කරන මහජන නියෝජිතයන්ට වැඩ වරදියි – මන්ත්‍රීධුරවලින් නෙරපීමේ අධිකරණ ක්‍රියාමාර්ගයක්

පාර්ලිමේන්තු මන්ත්‍රීවරුන් රජය සමග ව්‍යාපාර කිරීම මන්ත්‍රිධුර අහිමි වීමේ වරදක්ව තිබියදී වත්මන් පාර්ලිමේන්තුවේ සිටින එවැනි මන්ත්‍රීවරුන් පිළිබඳ ඉක්මන් විගණනයක් සඳහා අධිකරණ නියෝගයක් ලබා ගැනීමට ක්‍රියා කරන බව, පුනරුදය ව්‍යාපාරය වෙනුවෙන් වික්ටර් අයිවන් මහතා කතානායකවරයා සහ විගණකාධිපතිවරයා වෙත දැනුම් දී තිබේ.

මහජන මන්ත්‍රීවරුන්ට නීතියට පටහැනිව රජය සමඟ ව්‍යාපාර කරන්නට ඉඩහැර තිබීම, පාර්ලිමේන්තුව දීර්ඝ කාලයක් තිස්සේ පවත්වාගෙන යන වරදක් බව පෙන්වා දෙන ඔහු එම වරද පළමුවෙන්ම රටට පෙන්වා දීමේ ගෞරවය අධිකරණයට හිමිවන බවද ප්‍රකාශ කරයි. අධිකරණයේ එම ජනහිතකාමි ව්‍යවස්ථාමය ස්ථාවරය යළි අධිකරණයට පෙන්වා දී, නීතියට පටහැනිව රජය සමඟ ව්‍යාපාර කරන මහජන නියෝජිතයන් ගැන ඉක්මන් විගණනයක් සඳහා වන නියෝගයක් අධිකරණයෙන් ලබාගැනීම තුළින් එම මන්ත්‍රීවරුන් ධුරවලින් ඉවත් කිරීම සහ ඉදිරි ජනාධිපතිවරණයට හෝ පාර්ලිමේන්තු මැතිවරණයට නාම යෝජනා ඉදිරිපත් කිරීමේ අයිතියද ඔවුන්ට අහිමි කිරීමට අපේක්ෂා කරන බව වික්ටර් අයිවන් මහතා පවසයි.

ඔහු මේ සම්බන්ධයෙන් කතානායක කරු ජයසූරියට යොමු කළ පළමු ලිපියට ප්‍රතිචාර දක්වමින් කතානායකවරයා කියා සිටින්නේ, ඒ පිළිබඳ නෛතික පියවර ගැනීමට හැකියාව ඇත්තේඅල්ලස් හෝදූෂණවිමර්ශන කොමිෂන් සභාව හා නීතිපති දෙපාර්තමේන්තුව වැනි ආයතනයන්ට බවය. නීතිමය පියවර ගැනීමට පෙර පාර්ලිමේන්තු මන්ත්‍රීවරුන් කොපමණ පිරිසක් එම වරද කරන්නේද යන්න සොයා බැලීමේ වගකීමක් කතානායකවරයාට තිබෙන බව, ඊට පිළිතුරු ලිපියක් යොමු කරමින් අයිවන් මහතා සඳහන් කරන අතර ඒ සඳහා ප්‍රායෝගික ක්‍රියාමාර්ග දෙකක්ද යෝජනා කර තිබේ.